श्री गणेश गिरिजा सुवन, मंगल मूल सुजान ।
कहत अयोध्यादास तुम, देहु अभय वरदान ॥
Jai Ganesh Girija Suvan, Mangal Mul Sujan |
Kahat Ayodhya Das Tum, Dev Abhaya Varadan ||

जय गिरिजा पति दीन दयाला । सदा करत सन्तन प्रतिपाला ॥
भाल चन्द्रमा सोहत नीके । कानन कुण्डल नागफनी के॥
Jai Girija Pati Dinadayala | Sada Karat Santan Pratipala ||
Bhala Chandrama Sohat Nike | Kanan Kundal Nagaphani Ke ||

अंग गौर शिर गंग बहाये । मुण्डमाल तन छार लगाये ॥
वस्त्र खाल बाघम्बर सोहे । छवि को देख नाग मुनि मोहे ॥
Anga Gaur Shira Ganga Bahaye | Mundamala Tan Chhara Lagaye ||
Vastra Khala Baghambar Sohain | Chhavi Ko Dekha Naga Muni Mohain ||

मैना मातु की ह्वै दुलारी । बाम अंग सोहत छवि न्यारी ॥
कर त्रिशूल सोहत छवि भारी । करत सदा शत्रुन क्षयकारी ॥
Maina Matu Ki Havai Dulari | Vama Anga Sohat Chhavi Nyari ||
Kara Trishul Sohat Chhavi Bhari | Karat Sada Shatrun Chhayakari ||

नन्दि गणेश सोहै तहँ कैसे । सागर मध्य कमल हैं जैसे॥
कार्तिक श्याम और गणराऊ । या छवि को कहि जात न काऊ ॥
Nandi Ganesh Sohain Tahan Kaise | Sagar Madhya Kamal Hain Jaise ||
Kartik Shyam Aur Ganara-U | Ya Chhavi Ko Kahi Jata Na Kauo ||

देवन जबहीं जाय पुकारा । तब ही दुख प्रभु आप निवारा ॥
किया उपद्रव तारक भारी । देवन सब मिलि तुमहिं जुहारी ॥
Devan Jabahi Jaya Pukara | Tabahi Dukha Prabhu Apa Nivara ||
Kiya Upadrav Tarak Bhari | Devan Sab Mili Tumahi Juhari ||

तुरत षडानन आप पठायउ । लवनिमेष महँ मारि गिरायउ ॥
आप जलंधर असुर संहारा। सुयश तुम्हार विदित संसारा ॥
Turata Shadanana Apa Pathayau | Lava-Ni-Mesh Mahan Mari Girayau ||
Apa Jalandhara Asura Sanhara | Suyash Tumhara Vidit Sansara ||

त्रिपुरासुर सन युद्ध मचाई । सबहिं कृपा कर लीन बचाई ॥
किया तपहिं भागीरथ भारी । पुरब प्रतिज्ञा तासु पुरारी ॥
Tripurasur Sana Yudha Machayi | Sabhi Kripakar Lina Bachayi ||
Kiya Tapahin Bhagiratha Bhari | Purva Pratigya Tasu Purari ||

दानिन महं तुम सम कोउ नाहीं । सेवक स्तुति करत सदाहीं ॥
वेद नाम महिमा तव गाई । अकथ अनादि भेद नहिं पाई ॥
Danin Mahan Tum Sama Kou Nahin | Sevak Astuti Karat Sadahin ||
Veda Nam Mahima Tab Gayaee | Akatha Anandi Bhed Nahin Payee ||

प्रगट उदधि मंथन में ज्वाला । जरे सुरासुर भये विहाला ॥
कीन्ह दया तहँ करी सहाई । नीलकण्ठ तब नाम कहाई ॥
Pragate Udadhi Mantan Men Jvala | Jarat Sura-Sur Bhaye Vihala ||
Kinha Daya Tahan Kari Sahayee | Nilakantha Tab Nam Kahayee ||

पूजन रामचंद्र जब कीन्हा । जीत के लंक विभीषण दीन्हा ॥
सहस कमल में हो रहे धारी । कीन्ह परीक्षा तबहिं पुरारी ॥
Pujan Ramchandra Jab Kinha | Jiti Ke Lanka Vibhishan Dinhi ||
Sahas Kamal Men Ho Rahe Dhari | Kinha Pariksha Tabahin Purari ||

एक कमल प्रभु राखेउ जोई । कमल नयन पूजन चहं सोई ॥
कठिन भक्ति देखी प्रभु शंकर । भये प्रसन्न दिए इच्छित वर ॥
Ek Kamal Prabhu Rakheu Joi | Kushal-Nain Pujan Chaha Soi ||
Kathin Bhakti Dekhi Prabhu Shankar | Bhaye Prasanna Diye-Ichchhit Var ||

जय जय जय अनंत अविनाशी । करत कृपा सब के घटवासी ॥
दुष्ट सकल नित मोहि सतावै । भ्रमत रहे मोहि चैन न आवै ॥
Jai Jai Jai Anant Avinashi | Karat Kripa Sabake Ghat Vasi ||
Dushta Sakal Nit Mohin Satavai | Bhramat Rahe Mohin Chain Na Avai ||

त्राहि त्राहि मैं नाथ पुकारो । यहि अवसर मोहि आन उबारो ॥
लै त्रिशूल शत्रुन को मारो । संकट से मोहि आन उबारो ॥
Trahi-Trahi Main Nath Pukaro | Yahi Avasar Mohi Ana ||
Lai Trishul Shatrun Ko Maro | Sankat Se Mohin Ana Ubaro ||

मातु पिता भ्राता सब कोई । संकट में पूछत नहिं कोई ॥
स्वामी एक है आस तुम्हारी । आय हरहु अब संकट भारी ॥
Mata Pita Bhrata Sab Hoi | Sankat Men Puchhat Nahin Koi ||
Svami Ek Hai Asha Tumhari | Ava Harahu Aba Sankat Bhari ||

धन निर्धन को देत सदाहीं । जो कोई जांचे वो फल पाहीं ॥
अस्तुति केहि विधि करौं तुम्हारी । क्षमहु नाथ अब चूक हमारी ॥
Dhan Nirdhan Ko Deta Sadahin | Jo Koi Janche So Phal Pahin Pahin ||
Astuti Kehi Vidhi Karai Tumhari | shamahu Nath Aba Chuka Hamari ||

शंकर हो संकट के नाशन । मंगल कारण विघ्न विनाशन ॥
योगी यति मुनि ध्यान लगावैं । नारद शारद शीश नवावैं ॥
Shankar Ho Sankat Ke Nishan | Vighna Vinashan Mangal Karan ||
Yogi Yati Muni Dhyan Lagavan | Sharad Narad Shisha Navavain ||

नमो नमो जय नमो शिवाय । सुर ब्रह्मादिक पार न पाय ॥
जो यह पाठ करे मन लाई । ता पार होत है शम्भु सहाई ॥
Namo Namo Jai Namah Shivaya | Sura Brahmadik Par Na Paya ||
Jo Yah Patha Karai Man Lai | Tapar Hota Hai Shambhu Sahayee ||

ॠनिया जो कोई हो अधिकारी । पाठ करे सो पावन हारी ॥
पुत्र हीन कर इच्छा कोई । निश्चय शिव प्रसाद तेहि होई ॥
Riniyan Jo Koi Ho Adhikari | Patha Karai So Pavan Hari ||
Putra-hin Ichchha Kar Koi | Nischaya Shiva Prasad Tehin Hoi ||

पण्डित त्रयोदशी को लावे । ध्यान पूर्वक होम करावे ॥
त्रयोदशी ब्रत करे हमेशा । तन नहीं ताके रहे कलेशा ॥
Pandit Trayodashi Ko Lavai | Dhyan-Purvak Homa Karavai ||
Trayodashi Vrat Kare Hamesha | Tan Nahin Take Rahe Kalesha ||

धूप दीप नैवेद्य चढ़ावे । शंकर सम्मुख पाठ सुनावे ॥
जन्म जन्म के पाप नसावे । अन्तवास शिवपुर में पावे ॥
Dhoop deep naivedya chadhavahi | Shanker sanmukha path karavahi ||
Janam Janam ki pap nasavahin | Antawas shivpur men pavahin ||

कहे अयोध्या आस तुम्हारी । जानि सकल दुःख हरहु हमारी॥
Kahai Ayodhya Aas Tumhari | Jani Sakal Dukha Harasu Hamari ||

॥ दोहा ॥

नित्त नेम कर प्रातः ही, पाठ करौं चालीसा।
तुम मेरी मनोकामना, पूर्ण करो जगदीश ॥
Nitya Nema kari Pratahi, Patha karau Chalis
Tum Meri Man Kamana, Purna Karahu Jagadish

मगसर छठि हेमन्त ॠतु, संवत चौसठ जान ।
अस्तुति चालीसा शिवहि, पूर्ण कीन कल्याण ॥
Magsar Chhati Hemant Ritu, Samvat Chausadh Jaan ||
Astuti Chaalisa Shivhi, Purna Keen Kalyaan

दोहा